Aromatiqué 芳 香 小 店 部 落 格

早呀！今日無論你在家工作，定還是已經on the way 返office，都不忘在室內多擴香來淨化空間。今日為大家挑選了10款價格相宜、市面上容易搵得到而又適合用來擴香嘅精油，當中也有不少是針對呼吸系統和抗菌的。

點解會選呢10款精油？接下來幾日會為大家說明每一款精油嘅特性，令大家對它們認識加多一點點。

記住抗疫是要多方面嘅，除了擴香，請緊記 #帶上口罩 和 #勤洗手啦！

Photo & Text : Aromatiqué

仲有2日就要同2019 say goodbye👋🏻， 喺年度完結前不如黎個芳療界大事回顧，排名不分先後：

#震撼芳療教育界嘅論文

芳療界很有名望嘅Robert Tisserand先生在本年度12月發表了一篇題目為 《Debunking Functional Group Theory: Not Supported by Current Evidence and Not a Useful Educational Tool》嘅論文📝，內容大概係芳療教學常用來說明精油化學結構嘅四象圖（創自於法國化學家法蘭貢先生），沒有科學根據支持，芳療界亦應該放棄以此作為教學工具。

文章一出震撼了芳療界，過去數十年，這個框架被多位知名芳療書作者和學界廣為引用，雖然如此，小篇仍很感激有四象圖嘅出現，讓沒有理科底子嘅我很快就對精油化學結構上手，往後教學會否有新理論新模式出現，就拭目以待了。👀

有興趣睇原文：http://tisserandinstitute.org/wp-content/uploads/2019/12/FGT_FINAL.pdf

#CBD芳療產品大行其道

大麻萃取物 – 大麻二酚（CBD）近年在外國市場興起，稱CBD可治療疼痛及關節炎，又可緩解焦慮與失眠；市場湧現大量CBD相關產品，如精油、乳液/霜，以至啤酒、軟糖、朱古力、咖啡及蛋糕等食品。🍺🍫🍰☕️🍬

小篇都見到有外國精油品牌推出CBD產品，但就未試過， 因為香港對進口或攜帶含有大麻的食品入境係有管制嘅⚠️

根據香港《危險藥物條例》(第134章)訂明，非法進口大麻或含有受管制大麻素(例如四氫大麻酚)的產品，即屬刑事罪行。大麻二酚是大麻植物含有的另一種大麻素，但不屬危險藥物，不受《危險藥物條例》管制。不過，由於提煉純大麻二酚的過程困難，含有大麻二酚的食品及飲料很可能同時含有其他受管制的大麻素。所以應避免進口或生產有關產品，以免觸犯法例。市民從外地攜帶或網上訂購食品入境時，應特別留意食品的成分及/或標籤。

現階段喺未明產品成分之前都係唔好隨便進口，有機會小篇會親身去外國試試，再寫詳細報告俾大家😎

#芳療界加入情緒支援

返番黎香港，2019年對香港人來說係不平安嘅一年，今年見到好多芳療界嘅朋友都為我哋愛嘅家出一分力，免費情緒支援啦、派發精油滾珠瓶、分享芳療情緒支援配方……，全方位支持香港人不同嘅需要，可以幫到人，我相信亦係大家學芳療嘅初心。💕

其實呢個地方仍然很有愛🥰，大加家油 💪🏻💪🏻💪🏻

Photo & Text : Aromatiqué

小篇本來跟一眾芳友去保加利亞🇧🇬 參與玫瑰節慶活動，突如其來嘅身體不適😷，令期待已久嘅旅程泡湯🚫，既然未能親眼目睹保加利亞嘅玫瑰，不如就用文字同大家分享一下玫瑰精油嘅小秘密🙊！

1. 玫瑰精油常被稱為『液體黃金』

先來看看一些數字吧！

3500 – 5000 公斤玫瑰花瓣 ＝ 1公斤玫瑰精油

10000朵玫瑰 ＝ 1瓶5毫升玫瑰精油

242,000玫瑰花瓣 ＝ 1茶匙玫瑰精油

45朵玫瑰 ＝ 1滴玫瑰精油

單看數字已經令人感到驚訝，假如將數字變作視覺效果👀……10,000朵玫瑰等於833打玫瑰，真的不敢想像滿屋玫瑰會是怎樣😱

現在你知道為什麼玫瑰精油如此昂貴了💰！製作一滴這種華麗的精油所需的玫瑰花，是非同尋常的。

現時市面上一支5ml嘅玫瑰精油動不動都要$2000以上，如果遇上平宜嘅玫瑰精油，很大程度上是原精或已用植物油稀罕嘅玫瑰精油，所以購買前🛒，緊記要睇清楚👀瓶上嘅標籤才買呀！

2. 玫瑰精油有『精油皇后』的美譽

除了因為它是世界上最昂貴的精油之外，它對女性嘅療法同樣彌足珍貴。傳說中的埃及妖后在40歲時看起來仍像一個20歲的少女，秘密何在？原來埃及妖后深愛玫瑰，喜歡用玫瑰花水洗面、沐浴🛀🏻，還將玫瑰用作化妝品的成分，可見玫瑰本身有很好的美容護膚作用。另外它對調整女性內分泌，滋養子宮，緩解經痛，舒緩更年期不適都有很好嘅效果，是一款名付其實嘅給女性用嘅精油。👧🏻🧒🏻👩🏻👩🏻‍🦱👵🏻

3. 令人眼花撩亂的名字

有時候叫作大馬士革玫瑰精油，有時候又叫做保加利亞玫瑰精油，還有人又它做奧圖玫瑰精油，究竟那個名字才是正確，好亂呀🙀！其實都唔係咁難分嘅，我地可以從產地、品種、萃取方法或俗名去分辨：

產地：保加利亞玫瑰、土耳其玫瑰、波斯玫瑰

品種：大馬士革玫瑰（主要種植於保加利亞與土耳其)、摩洛哥玫瑰（主要種植於摩洛哥與法國)、白玫瑰（主要種植於保加利亞)

萃取方法：奧圖玫瑰(大馬士革玫瑰通過蒸餾法萃取)、玫瑰原精(取自溶劑萃取法)

俗名：東方玫瑰(＝大馬士革玫瑰)、千葉玫瑰(＝摩洛哥玫瑰）

要講玫瑰精油真的可以講上一整天也講不完，希望今日分享的小秘密令你對玫瑰精油認識多加一點點。下回再談 🌹

Photo & Text : Aromatiqué

#芳療小秘密 #aromatherapyfunfact #roseessentialoil #aforaromtherapy #aromatiquehk #aromatiqueblog

Aromatiqué芳香小店嘅網誌 A for Aromatherapy 終於

上 線 喇！

Aromatiqué芳香小店固名思義就係一間專賣芳療用品嘅網店

而A for Aromatherapy是Aromatiqué嘅延伸，以推廣芳療及天然生活為目標，為一眾愛好或想認識芳療的朋友提供分享芳療資訊的平台。

如果你地有任何有關芳療嘅疑問，歡迎留言俾我地，我地會盡力為大家解答。

多謝大家支持！