Aromatiqué 芳 香 小 店 部 落 格

終於來到最後一款要介紹嘅精油，就係薰衣草喇！它的故事、它的品種、它的化學成分……..係一個可以講一日都講不完嘅題目。

對於薰衣草古時嘅記載真的很多很多，在芳療界最為人所熟悉嘅故事係法國化學家Gattefossé在一次化學實驗中嚴重燙傷，最後用薰衣草精油處理而沒有留下疤痕，由那時開始，精油開始被廣泛推廣。另外，台灣溫佑君老師嘅著作《芳療實証全書》亦有提到古時嘅波斯及希臘羅馬人會在傳染病爆發時在病房內焚燒薰衣草枝，提升免疫力。

延續上回以精油處理心靈健康，今日會重點講喺呢方面做得不錯嘅真正薰衣草精油 (英文：True Lavender | 拉丁文：Lavandula angustifolia) ，別名狹葉薰衣草，脣形科嘅佢主要產自法國、保加利亞，精油來自於花朵，以蒸餾法萃取，大概120公斤薰衣草可產出1公斤精油。

能夠叫作為真正薰衣草是先要符合兩個條件：1）化學成分”酯”類要超過50%，2）生長在高度約800公尺或以上，因酯類含量豐富，可安神、助眠、放鬆和鎮定情緒，而當中嘅沉香醇能溫和抗菌，提升免疫力，真正薰衣草整體成份溫和，氣味香甜，精油新手、大人小朋友都合用，是家居必備嘅精油。

有真正薰衣草係咪即係有品種名為假薰衣草？當然不是喇！要數比較常見嘅有醒目薰衣草和穗花薰衣草，後者因化學成份桉葉油醇含量高，有較強嘅殺菌力，但因比較刺激，小編就唔建議大家用喇，要抗菌，我哋有很多其他選擇例如溫和嘅茶樹、尤加利葉精油呀！

介紹完十大抗疫精油，試試調出不同配搭，多在家裡擴香，對身心作多一重保護。最後，又再提醒大家出外要 #帶口罩 和 #勤洗手 呀！

Photo & Text : Aromatiqué

之前介紹嘅精油對抗菌、抗病毒和呼吸道保養都有很好嘅效果，有6-7款嘅選擇應該都足夠應付日常擴香調香需要，而今日會講到嘅大西洋雪松 (英文：Cedarwood| 拉丁文：Cedrus atlantica) 佢雖然有抗菌嘅能力，但小編更喜歡佢對心靈療癒這方面嘅效果，在抗疫期間，實在有太多人和事令人心煩氣操、不安、睡不好……小編覺得除了要保護好生理健康外，心理健康亦不能被忽視，這亦是大西洋雪松精油成為十大之一嘅原因。

大西洋雪松原生於黎巴嫩，以蒸餾法萃嘅精油可取自於其木或針葉，大家買嘅時候要留意，因為萃取部位不同，使用方和也會不同。要針對呼吸道保養、淨化空間，可選主要化學成分為單萜烯（松油萜）和乙酸龍腦酯嘅針葉精油，要取其心靈療效，小篇會選用木質精油，它給人原始森林嘅感覺，幫助消除負面能量、安撫恐懼、焦慮，洗滌心靈。

要留意嘅係萃取自針葉嘅大西洋雪松精油顏色清淡，氣味清新，相反，取自木質嘅精油略帶金黃色，質地濃稠，帶點黏黏嘅感覺。

因近年過量採伐，剩下少量樹群，要珍惜使用呀！

最後，又再提醒大家出外要 #帶口罩 和 #勤洗手 呀！

Photo & Text : Aromatiqué

病毒剛肆虐時，看得最多嘅係茶樹+天竺葵可抗毒嘅貼文，貼文一出後，大家都一窩蜂去搶購茶樹和天竺葵精油，咁今日不如就講下天竺葵，好讓大家做個精明嘅消費者！🤓

市面上通常可以搵到嘅有波旁天竺葵 (英文：Bourbon Geranium | 拉丁文：Pelargonium asperum) 和玫瑰天竺葵 (英文：Rose Geranium | 拉丁文：Pelargonium roseum)，兩者療效非常相似，但簡單去區分就是波旁天竺葵喺消炎、抗菌、抗病毒🦠做得比較出色，而玫瑰天竺葵就較適合用於處理皮膚上嘅問題。造成兩者之間嘅分別主要原自於化學成份，波旁天竺葵嘅主要化學成份係單萜醇，而當中嘅牻牛兒醇在抗菌方面係單萜醇之冠，所以用來抗疫是可以解釋得到嘅。

氣味方面，它有著跟玫瑰🌹精油相似嘅氣味，令人內心平靜，撫平不安全感，在這段天天擔心買唔買到口罩期間， 天竺葵可令大家減低焦慮不安，恢復平靜。😌

當大家睇到天竺葵漂亮嘅花朵就一定以為精油是來自於花瓣，但其實葉片才對，以蒸餾法萃取，要記住喇！

最後，又再提醒大家出外要 #帶口罩 和 #勤洗手 呀！

Photo & Text : Aromatiqué

繼檸檬後，今日會講下同屬芸香科嘅佛手柑 (英文：Bergamot| 拉丁文：Citrus bergamia)，主要生長在意大利🇮🇹，精油取自於它嘅果皮，用壓榨法萃取。

佛手柑精油用途多多，主要化學成份單萜烯和單萜醇可幫助處理生理問題如抗菌抗感染🦠，而豐富嘅酯類化合物可幫助減壓，放鬆情緒😌。抗疫時期除了抗菌，心理情緒亦要好好照料，所以小編選了佛手柑為十大之一。

和一般柑橘類精油不同，佛手柑嘅果香比較柔和，亦帶有淡淡的花香，是一款容易搭配調香嘅精油。

要注意嘅係佛手柑含化學成分呋喃香豆素，具光敏性，用後記住不宜曬太陽🌞，以免皮膚受刺激或敏感，建議大家夜晚🌙使用。市面上亦有名為FCF佛手柑精油，意思是不含呋喃香豆素，亦即冇光感性嘅問題，為消費者帶來另一選擇。

最後，又再提醒大家出外要 #帶口罩 和 #勤洗手 呀！

Photo & Text : Aromatiqué

早呀！琴日講咗檸檬香茅，不如今日就講大人細路都識嘅檸檬🍋 (英文：Lemon | 拉丁文：Citrus limonum)，屬芸香科嘅檸檬，唔講唔知，它原生於亞洲，後來傳入中東、歐洲，精油取自於它嘅果皮，用壓榨法萃取。

相信大部分人對檸檬都很熟悉，隨便說說都可以數出幾樣檸檬嘅好處，例如我哋會用檸檬做清潔啦🧹，化入雪櫃淨化裏面嘅氣味，檸檬裏面嘅維他命C有美白嘅功效同可以增強抵抗力💪🏻，聞到檸檬嘅氣味會覺得好醒神🤩…….好處數之不盡！

從科學角度去看，檸檬精油嘅主要化學成份係單萜烯，專門激勵免疫系統、抗菌🦠淨化，傳染病流行期間使用是不錯的。

要注意⚠️嘅係檸檬含化學成分呋喃香豆素，具光敏性，用後不宜曬太陽🌞，以免皮膚受刺激或敏感。

最後，又再提醒大家出外要 #帶口罩 和 #勤洗手 呀！

Photo & Text : Aromatiqué

連日來介紹咗幾款來自澳洲而又可以抗菌嘅精油，咁亞洲區又有咩代表呢？就係大家成日聽到嘅檸檬香茅喇 (英文：Lemongrass | 拉丁文： Cymbogogon flexuosus)，有人會叫佢做檸檬草，亦即係我哋喺泰國餐廳常常食到嘅冬陰功或者檸檬香茅蜜嘅材料之一。

它看起來就像相中嘅野草一樣，屬禾本科，如果用手捽一捽，就會聞到很明顯嘅香味，整棵草都可以用來以蒸餾法萃取精油。

檸檬醛是它的主要化學成分，所以檸檬香茅精油帶有淡淡檸檬青香係有原因嘅，止外，含有醛類嘅精油抗菌力強，同時能提升免疫力，抗疫時期用佢係不錯嘅選擇！

好多人都會覺得聞到檸檬香茅有好醒神嘅感覺，這不難理解，這亦是醛類精油嘅特性，知道好多朋友實行在家工作，日坐夜坐，提神和促進專注力是必需的 😌

擴香方面可於茶樹、澳洲尤加利、綠花白千層和芳枸葉中選1-2款，然後搭配檸檬香茅，調配成更有層次嘅香氣。

最後，又再提醒大家出外要 #帶口罩 和 #勤洗手 呀！

Photo & Text : Aromatiqué

#aromatiquehk #aromatherapy #essentialoil #lemongrass #conronavirus #芳香小店 #芳療 #香薰 #精油 #檸檬香茅 #擴香

又係講講抗疫其間可用來擴香嘅精油嘅時間喇，今日要介紹嘅係芳枸葉 (英文：Fragonia | 拉丁文： Agonis fragrans)，一個陌生的名字，係近年新興嘅精油，它和早前介紹嘅茶樹、澳洲尤加利和綠花白千層屬同一家族 – 姚金孃科，來自澳洲西部，精油來自於葉片，以蒸餾方式萃取。

它的氣味和茶樹很相似，但比茶樹多了一分淡淡嘅花香，從化學成分去看，最主要嘅三種成分 – 單萜烯、氧化物和單萜醇，都是針對抗菌殺菌和幫助呼吸系統嘅成分。曾經有文章指出它的抗菌功能比茶樹精油更勝一籌，成為芳療界嘅新寵兒！

針對呼吸系統最好嘅用法就係擴香，簡單容易，此外亦可用植物油稀釋作按摩油，舒緩肌肉酸痛。

跟昨天所講嘅一樣，因茶樹、澳洲尤加利、綠花白千層和芳枸葉都有著相似的特性，用其中一款來擴香已經很不錯，假如幸運有晒4款精油嘅可以每款數滴來擴香，增加協同效應。

最後，又再提醒大家出外要 #帶口罩 和 #勤洗手呀！

Photo & Text : Aromatiqué

#aromatiquehk #aromatherapy #essentialoil #fragonia #conronavirus #芳香小店 #芳療 #香薰 #精油 #芳枸葉 #擴香

好多人都以為名叫綠花白千層開嘅花一定是綠色啦，但其實係……白色！好似相中咁樣樣嘅，大家要記住喇！

來自台灣嘅溫佑君老師曾經喺她的著作「芳療實證全書」中提及過在抗生素還未發明前，法國醫療系統常用綠花白千層來殺菌消毒🦠，可見抗菌殺菌係佢嘅招牌功效。此外，和茶樹同澳洲尤加利精油一樣，它成分溫和，身體內受性佳，可長期使用。

小編喜歡初起感冒時或空氣污染時用綠花白千層+檸檬+薰衣草來擴香，亦可把一滴精油滴到掌心✋🏻，然後摩擦嗅聞，方便簡單。

要留意的是市面上有一款名為白千層 (Cajeput) 嘅精油，它嘅氣味、成分和綠花白千層很相似，但它有提振效果，假如在晚上使用的話，綠花白千層會比較合適。

知道現在連精油都難買，因茶樹、澳洲尤加利和綠花白千層都有著相似的特性，用其中一款來擴香已經很不錯，假如幸運有晒3款精油嘅可以每款數滴來擴香，增加協同效應。

最後，又再提醒大家出外要 #帶口罩 和 #勤洗手呀！

Photo & Text : Aromatiqué

#aromatiquehk #aromatherapy #essentialoil #niaouli #conronavirus #芳香小店 #芳療 #香薰 #精油 #綠花白千層 #擴香

繼續為大家介紹疫情期間可以用來擴香嘅精油，今朝想講嘅係尤加利，同茶樹一樣主要產自於澳洲 🇦🇺 ，科別亦同屬桃金孃科，已知嘅品種有達九百幾個，小編就重點講講澳洲尤加利 (Eucalyptus radiate)，精油取自於葉片，以蒸餾方法萃取。

在某些精油典藉中，澳洲尤加利被認為抗菌、抗病毒效果更勝於其他尤加利品種嘅精油，所以常常用於製作預防感冒用油。由於它主要化學成份為氧化物，有助祛痰，亦幫助呼吸順暢。此外它成分溫和，很適合小孩使用。

除了用來擴香外，可把1滴尤加利精油滴進熱水中，閉上眼睛再用毛巾蓋著頭部作蒸氣吸入法，以舒緩喉嚨不適。當然身體覺得不舒服時，還是要趕快睇醫生。

若果找不到澳洲尤加利精油，可用藍膠尤加利 (Eucalyptus globulus) 代替

最後，又再提醒大家出外要 #帶口罩 和 #勤洗手呀！

Photo & Text : Aromatiqué

第一款想講講嘅係茶樹精油 (Melaleuca alternifolia)，主要產自於澳洲 🇦🇺，科別桃金孃科，葉形細長且帶有清新是氣味，大概100公斤嘅茶樹葉可蒸餾出1公斤嘅精油。精油含豐富嘅單萜醇和單萜烯化學分子。

相片中的「廣泛性抗菌，激勵免疫系統」已簡單概括茶樹精油嘅特性。它的招牌功效是殺菌🦠，可以抗細菌、真菌、病毒，是一種天然且溫和的抑菌劑。

茶樹精油另一強項是強化免疫系統，在病毒活躍其間，應該多用加強對自己嘅保護。

除了用來擴香外，大家也可以試試在水中加入數滴茶樹精油用來拖地🧹，作家居清潔。

最後提提大家茶樹係同茶葉冇關架🤗！

又再提醒大家出外要 #帶口罩 和 #勤洗手呀！

Photo & Text : Aromatiqué